Allergiya əleyhinə - BioSlim ALLERNORM çayı

​

Tərkibi:

Qaraqınıq otu, yatıqqanqal otu, istiotlu nanə yarpağı, çobanyastığı çiçəyi, gülümbahar çiçəyi, damotu otu, kəklikotu otu.

​

Təsiri:

Allernorm çayı antihistamin təsirə malik olan bitkilərdən hazırlanmışdır. Çayın qəbulu zamanı orqanizmə antihistamin, desensibilizəedici və sedativ təsir göstərərək allergiya əlamətlərini aradan qaldırır.

 

Qaraqınıq otunun tərkibində vitaminlər, efir yağları, flavonoidlər, qlikozidlər və mikroelementlər vardır. Orqanizmə spazmolitik, iltihab əleyhinə, sedativ, sidikqovucu təsir göstərir, qıcıqlanma və qaşınma hissini azaldır.

 

Yatıqqanqal otunun tərkibi B qrup, C  vitaminləri, flavonoidlər, qlikozidlər, dəmir, mis, sink, alüminium və s. mikroelementlərlə zəngindir. Maddələr mübadiləsini normallaşdırır, antihistamin, sidikqovucu, sedativ təsir göstərir, iltihabı, qıcıqlanma və qaşınma hissini azaldır.

 

İstiotlu nanə yarpağının tərkibində B1, B2, B3, B5, B6, C vitaminləri, flavonoidlər, qlikozidlər, kalium, kalsium, maqnezium, fosfor və s. mikroelementlər vardır. Orqanizmə sakitləşdirici, sidikqovucu təsir göstərir, iltihabı azaldır, damarların divarını möhkəmlədir.

 

Çobanyastığı çiçəyinin tərkibində A, C, PP vitaminləri, flavonoidlər, qlikozidlər, kalium, kalsium, xlor, fosfor, maqnezium və s. mikroelementlər vardır. İltihabəleyhinə, sedativ, ağrıkəsici, antihistamin təsir göstərir.

 

Gülümbahar çiçəyinin tərkibi  A, C vitaminləri, flavonoidlər, qlikozidlər və mikroelementlərlə zəngindir. İltihabəleyhinə, spazmolitik və yarasağaldıcı təsir göstərir.

 

Damotu otunun tərkibində A, E, C vitaminləri, flavonoidlər, efir yağları, qlikozidlər, kalium, kalsium, natrium, kükürd və s. mikroelementlər vardır. Sedativ, antispastik, diuretik, iltihab əleyhinə təsir göstərir.

 

Kəklikotu otunun tərkibində A, B, C, K vitaminləri, efir yağları, flavonoidlər, qlikozidlər, kalium, dəmir, selen, maqnezium və başqa mikroelementlər vardır. Orqanizmə sidikqovucu, ağrıkəsici və spazmolitik təsir göstərir.

 

GÖSTƏRİŞLƏRİ:

• Orqanizmin allergenlərə qarşı həssaslığının artması

• Burunun selikli qişasının qıcıqlanması və zökəm

• Konyuktivit və gözlərin selikli qişasının iltihabı

• Allergik dermatit - dəridə səpgilər

• Allergik öskürək

• Övrə

​

İstifadə qaydası:

Uşaqlarda - 1 filtr-bağlamanın üzərinə 100 ml (1/2 stəkan) qaynar su tökülür və 10 - 15 dəq. dəmlənir. Gündə 2-3 dəfə, hər dəfə 15-30 ml (1-2 xörək qaşığı) yeməkdən 30 dəq. əvvəl ilıq halda daxilə qəbul edilir.

Böyüklərdə - 2 filtr-bağlamanın üzərinə 200 ml (1 stəkan) qaynar su tökülür və 10 - 15 dəq. dəmlənir. Gündə 2-3  dəfə 200 ml (1 stəkan) yeməkdən 30 dəq. əvvəl ilıq halda daxilə qəbul olunur. Qəbul müddəti 15 gündür.

​

Dərman vasitəsi deyil.