ARQAN YAĞI

Oleum arganiae

Arqan yağı yalnız Mərakeşdə bitən arqan ağacı meyvələrinin çəyirdəyindən alınır və spesifik qoz ləpəsi iyinə bənzər iyə malikdir. Arqan yağının tərkibində E vitamini, karatonioidlər, olein yağ turşusu - Omeqa-9 (40-60%), linolen - Omeqa-6 (28-36%),ferul turşusu və güclü antioksidant olan skvalen vardır. Arqan yağının tərkibində olan E vitaminin miqdarı zeytun yağındakından 3 dəfə çoxdur.

 

Arqan yağı saçları:

• İntensiv qidalandırır və nəmləndirir

• Quruluşunu bərpa edir, hamar olmasını təmin edir

• Möhkəm,parlaq və ipək kimi yumşaq edir

• Günəşin zərərli ultrabənövşəyi şüalarından qoruyur

• Başın dərisini nəmləndirir,onun regenerasiyasını təmin edir və quru kəpəkdən azad olmasına kömək edir

• Saç tökülməsinin qarşısını alır (tük follikullarını möhkəmləndirir)

 

Arqan yağının saçlarda istifadəsi:

Arqan yağı saçları kökdən ucuna qədər qidalandırır.Saç tökülməsinin qarşısını almaq və onların böyüməsini sürətləndirmək üçün arqan yağını  saçları yumazdan 30-40 dəq əvvəl sürtmək lazımdır. Saçlara sürtərkən daha çox saç köklərinə və başın dərisinə sürtülməsinə fikir vermək lazımdır.Saçlarda arqan yağı ilə lazımi nəticəni almaq üçün tam kurs müalicə 2-3 ay (həftədə 1-2 dəfə) təşkil edir.

Başın dərisini nəmləndirmək və quru kəpəkdən qurtulmaq üçün saçları şampun ilə yuduqdan dərhal sonra arqan yağı nəm saçların köklərinə çəkilir. Daha sonra 15-20 dəq gözlənilir və yenidən şampun ilə yuyulur, saçlara nəmləndirici balzam çəkilir.

Quru və haçalanmış saçlara arqan yağını yumadan dərhal sonra saç uzunluğu boyunca sürtmək lazımdır.Əgər saçlar güclü zədələnməyə məruz qalmış və və solğun fsa onda arqan yağı saç maskası şəklində istifadə olunur.Bunun üçün (2 çay qaşığı) azca isidilmiş arqan yağını saç köklərinə və saç uzunluğu boyunca çəkilir.Bundan sonra saçlar polietilen ilə örtülür.Maska bütün gecəni saxlanılır,yalnız səhərşampun ilə yuyulur və saçlara balzam sürtülür.

Yay zamanı saçları günəşin zərərli ultrabənövşəyi şüalarından və rütubətli havadan qorumaq üçün arqan yağı(təqribən 2 çay qaşığı) saç boyunca çəkilir,30-40 dəq ərzində saçlarda saxlanılır, sonra şampun ilə yuyulur.

 

Arqan yağı dəriyə:

• Cavanlaşdırıcı təsir göstərir: üzdə mimiki qırışları hamarlayır,elastikliyi artırır.

• Dəridə quruluğu aradan qaldırır,onu nəmləndirir,qısa müddət ərzində qabıqlanmanın qarşısını alır.

• Həssas dəridə qıcıqlanma hissini aradan qaldırır.

• Günəş, siqaret, ekoloji mühitin mənfi təsirlərini aradan qaldıraraq hüceyrələrin yenilənməsini təmin edir, dərini canlandırır.

• Çapıq və dartılmaları azaldır, hamiləlikdə yaranan çatların qarşısını alır.

• Həm quru,həm də yağlı dəriyə istifadə edilə bilər.

 

Arqan yağının üz dərisində istifadəsi:

1. Arqan yağının tərkibində olan bütün qida maddələri və mikroelementlərin dahayaxşımənimsənilməsi üçün yağ azca isti olmalıdır.Buna görə istifadədən əvvəl yağın flakonumüəyyən vaxt ilıq su olan qabdasaxlanmalıdır.

2. İkinci mərhələ dərinin təmizlənməsidir.Üz yuyulur, skrab vasitəsilə kosmetika, ölmüş hüceyrələrvədəri piyindən təmizlənir.

3. Masaja başlanılır. Təmizlənmiş dəriyə azca ilıq arqan yağı çəkilir və dəridə yağı barmaqla bərabər şəkildə paylayaraq ehtiyatla  masaj olunur. Masaj əsasən qırışlar olan yerlərə (dodaqların və gözlərin ətrafı,alın nahiyəsi) edilir.

4. Yağ dəriyə hopana qədər gözləmək lazımdır.Bu o qədər də uzun çəkmir,çünki yağ yüngül konsistensiyaya malikdir.

5. Yağın artıqları salfet ilə təmizlənir.

Arqan yağının ən gözəl xüsusiyyətlərindən biri də odur ki, dərini cavanlaşdırır və təravətləndirir. Duşdan sonra bədənə çəkildikdə dərinin yumşaldır və nəmləndirir. Arqan yağı dəridən tam sorularaq heç bir ləkə buraxmadığından bədənə sürtüldükdən sonra yenidən duş almağa ehtiyac qalmır.

​