Qurdqovucu Çay - BioSlim HELMİNORM çayı

​

TƏRKİBİ:

Evkalipt yarpağı, dağtərxunu çiçəyi, ardıc meyvəsi, acı yovşan otu, mayasarmaşığı qozaları, səna yarpağı.

​

TƏSİRİ:

Helminorm çayı qurdqovucu  təsir xüsusiyyətlərinə malik olan bitkilərdən hazırlanmışdır. İstifadə zamanı orqanizmə qurdqovucu, ödqovucu, işlədici, antiallergik təsir göstərir, həzmi normallaşdırır, ürəkbulanmanı aradan qaldırır və iştahanı yaxşılaşdırır.

 

Evkalipt yarpağının tərkibi vitaminlər, efir yağları, flavonoidlər və mikroelementlərlə zəngindir. İltihabəleyhinə, antiseptik, qurdqovucu və bəlğəmgətirici təsir xüsusiyyətlərinə malikdir.

 

Dağtərxunu çiçəyinin tərkibində  A, C vitaminləri, acı maddələr, flavonoidlər və mikroelementlər vardır. Qurdqovucu, antibakterial, iltihab əleyhinə və antiallergik təsirlərə malikdir.

 

Ardıc meyvəsinin tərkibində  A, C vitaminləri, alkaloidlər, üzvi turşular, dəmir, mis, alüminium, maqnezium və s. mikroelementlər vardır. Antibakterial və ödqovucu təsirlərə malikdir.

 

Acı yovşan otunun tərkibində  A, B, C, PP vitaminləri, efir yağları, acı maddələr, qlikozidlər, flavonoidlər, natrium, selen, fosfor, dəmir və s. mikroelementlər vardır. Qurdqovucu, iltihabəleyhinə və ödqovucu təsir xüsusiyyətlərinə malikdir.

 

Mayasarmaşığı qozalarının tərkibi  A, B1, B4, C, PP vitaminləri, üzvi turşular, efir yağları, qlikozidlər və mikroelementlərlə zəngindir. İltihabəleyhinə, bakterisid və sakitləşdirici təsir göstərir.

 

Səna yarpağının tərkibində vitaminlər, flavonoidlər və mikroelementlər vardır. İşlədici, iltihabəleyhinə və ödqovucu təsir xüsusiyyətlərinə malikdir.

 

GÖSTƏRİŞLƏRİ:

• Lyamblioz

• Askaridoz

• Enterobioz

• Helmintoz səbəbli öd yolları diskneziyası

• Helmintlər ilə yenidən yoluxmanın qarşısının alınması

​

İSTİFADƏ QAYDASI:

Uşaqlarda - 1 filtr-bağlamanın üzərinə 100 ml (1/2 stəkan) qaynar su tökülür və 10 - 15 dəq. dəmlənir. Gündə 3-4 dəfə, hər dəfə 15-30 ml (1-2 xörək qaşığı) yeməkdən 30 dəq. əvvəl ilıq halda daxilə qəbul edilir.

Böyüklərdə - 2 filtr-bağlamanın üzərinə 200 ml (1 stəkan) qaynar su tökülür və 10 - 15 dəq. dəmlənir. Gündə 3-4  dəfə 200 ml (1 stəkan) yeməkdən 30 dəq. əvvəl ilıq halda daxilə qəbul olunur.

Qəbul müddəti enterobiozda 10 gün, askaridozlarda 1 ay, lyambliozda 2 aydır.

​

Dərman vasitəsi deyil.