Qaraciyərin Müdafiəsi Üçün Çay - BioSlim HEPANORM çayı

​

TƏRKİBİ:

Alaqanqal toxumu, dazıotu otu, keşniş toxumu, solmazçiçəyi çiçəyi, atpıtrağı kökü, yatıqqanqal otu.

​

TƏSİRİ:

Hepanorm çayı ödqovucu və qaraciyərə hepatoprotektor təsir göstərən bitkilərdən hazırlanmışdır. İstifadə zamanı qaraciyər hüceyrələrinin zədələnməsinin qarşısını alır və hepatositlərin regenerasiyasını sürətləndirir. Qaraciyərin detoksikasiya funksiyasını artırır, ödün yaranmasını, xaric olmasını sürətləndirir və iltihabəleyhinə təsir göstərir.

​

Alaqanqal toxumunun tərkibində əsas təsiredici maddə silimarindir. Bundan başqa  A, B qrupu, E, D, K vitaminləri, yağ turşuları, efir yağları, kversetin, karotinoidlər, qlikozidlər, alkaloidlər, çox sayda makro və mikroelementlərlə zəngindir.

Hepatoprotektor kimi hepatit və sirrozlarda qaraciyər hüceyrələrinin regenerasiyasını sürətləndirir, iltihabı aradan qaldırır.

​

Dazıotu otunun tərkibində  E, B, C, P vitaminləri, flavonoidlər, dəmir, maqnezium, sink, mis mikroelementləri vardır. Bağırsaqlarda, öd axacaqlarında spazmı və həzm yollarında olan iltihabı aradan qaldırır.

 

Keşniş toxumunun tərkibi A, C, B, K, P vitaminləri, efir yağları və müxtəlif  bioloji aktiv maddələrlə  zəngindir. Çayların tərkibində istifadə olunduqda  ödün axmasını sürətləndirir, köpü aradan qaldırır, həzmi yaxşılaşdırır, antiseptik və iltihabəleyhinə təsir göstərir.

 

Solmazçiçəyi çiçəyinin tərkibi C, K vitaminləri, flavonoidlər, qlikozidlər, kalium, kalsium, maqnezium, dəmir, sink və s. mikroelementlərlə zəngindir. İstifadə zamanı ödəmələgəlməni sürətləndirir, xolesterindən öd turşularının sintezini tənzimləyir və öd kisəsinin tonusunu artırır. Həmçinin öd kisəsinə və öd yollarına, qan damarlarına spazmolitik təsir göstərir.

 

Atpıtrağı kökünün tərkibində  C, B, E, D vitaminləri, karotin, inulin, efir yağları və mikroelementlər vardır. Qlikogenin qaraciyərdə toplanmasını artırır, mədəaltı vəzin funksiyasını yaxşılaşdırır.

 

Yatıqqanqal otunun tərkibində  A, C vitaminləri, flavonoidlər, efir yağları, kalsium, maqnezium, dəmir, mis mikroelementləri vardır. Çayların tərkibində istifadə olunduqda  ödqovucu təsir göstərərək ödəmələgəlməni sürətləndirir, həzm prosesini yaxşılaşdırır, öd kisəsində və böyrəklərdə iltihabı aradan qaldırır.

​

FAYDALARI:

• Qaraciyərin bərpası və müdafiəsi

• Hepatitlər

• Xolesistit

• Qaraciyərin sirrozu

• Qaraciyərin piy distrofiyası

• Yenidoğulmuşlarda sarılıq

• Hamiləlik toksikozu

• Qaraciyər əməliyyatından sonrakı dövr

​

Əks göstərişləri:

Çayın tərkibində olan bitkilərə qarşı fərdi həssaslıq.

 

İSTİFADƏ QAYDASI:

Uşaqlarda - 1 filtr-bağlamanın üzərinə 100 ml (1/2 stəkan) qaynar su tökülür və 10 - 15 dəq. dəmlənir. Gündə 2-3 dəfə, hər dəfə 15-30 ml (1-2 xörək qaşığı) yeməkdən 30 dəq. əvvəl ilıq halda daxilə qəbul edilir.

Böyüklərdə - 2 filtr-bağlamanın üzərinə 200 ml (1 stəkan) qaynar su tökülür və 10 - 15 dəq. dəmlənir. Gündə 2-3  dəfə 200 ml (1 stəkan) yeməkdən 30 dəq. əvvəl ilıq halda daxilə qəbul olunur.

Qəbul müddəti 30 gündür. 10 günlük fasilədən sonra təkrar qəbul oluna bilər.

​

Dərman vasitəsi deyil.