Böyrək Duzları və Daşları Əleyhinə - BioSlim NEFROLİTİN çayı

​

TƏRKİBİ:

Boyaqotu kökü, ortosifon otu, tozağacı qozası, qırxbuğum otu, ayıqulağı yarpağı, çöl qatırquyruğu otu, çin cır limonu meyvəsi, mərcangilə yarpağı.

​

TƏSİRİ:

Nefrolitin çayı orqanizmə uroseptik, spazmolitik, sidikqovucu təsir edərək maddələr mübadiləsini normallaşdırır. Sidiyin PH-nı qələviləşdirərək urat, fosfat və oksalat daşlarını əridir və mineralların duzlar şəklində çökməsinin qarşısını alır. Sidik yolları əzələlərinin tonusunu azaldıb, peristaltik yığılmalarını artıraraq xirda daş və duzların xaric olmasını təmin edir.

 

Boyaqotu kökünün tərkibi vitaminlər, flavonoidlər və mikroelementlərlə zəngindir. Orqanizmə litolitik, spazmolitik, sidikqovucu, bakterisid və iltihabəleyhinə təsir göstərir. Oksalat və fosfat daşlarını parşalayır, sidik axarlarının yığılmasını artıraraq daş və duzların xaric olmasını asanlaşdırır.

​

Ortosifon otunun tərkibində vitaminlər, flavonoidlər, qlikozidlər və mikroelementlər vardır. İltihabəleyhinə, spazmolitik, sidikqovucu təsir göstərərək böyrəklərdə, sidik axarları, sidik kisəsində  oksalat, fosfat duz və daşlarının xaric olmasını təmin edir.

 

Tozağacı qozasının tərkibində vitaminlər, flavonoidlər, efir yağları və mikroelementlər vardır. Ödqovucu, sidikqovucu, iltihabəleyhinə və antibakterial təsirlərə malikdir.

 

Qırxbuğum otunun tərkibində  A, C, K vitaminləri, üzvi turşular, flavonoidlər və mikroelementlər vardır. Antibakterial, spazmolitik və sidikqovucu təsirlərə malikdir. Böyrək və sidik yollarının xroniki xəstəliklərində yaxşı təsir göstərir.

 

Ayıqulağı yarpağının tərkibində vitaminlər, flavonoidlər və mikroelementlər vardır. İltihab əleyhinə, antibakterial və sidikqovucu təsirlərə malikdir.

​

Çöl qatırquyruğunun tərkibində  A, C vitaminləri, flavonoidlər, qlikozidlər və mikroelementlər vardır. Sidikqovucu, iltihabəleyhinə və qankəsici təsirlərə malik olduğundan böyrək və sidik yollarının xəstəliklərində yaxşı təsir göstərir.

 

Çin cır limonu meyvəsinin tərkibi  A, B1, B2, B6, B9, C, E, PP  vitaminləri, efir yağları, flavonoidlər, kalium, fosfor, natrium, sink və s. mikroelementlərlə zəngindir. Orqanizmdə maddələr mübadiləsini normallaşdırır, qan dövranını yaxşılaşdırır və regenerativ prosesləri sürətləndirir.

 

Mərcangilə yarpağının tərkibində B1, B2, B3, B4, B6, B9, B12, C vitaminləri, flavonoidlər, qlikozidlər və mikroelementlər vardır. İltihabəleyhinə, antibakterial,  spazmolitik və sidikqovucu təsirləri sayəsində böyrək və sidik kisəsi xəstəliklərində (pielit, sistit, sidikdaşı xəstəliyi) yaxşı təsir göstərir.

 

GÖSTƏRİŞLƏRİ:

• Böyrəklərdə urat, fosfat, oksalat duz və daşlarının toplanması

• Sidik kisəsində və sidik yollarında duz və daşların toplanması

​

İSTİFADƏ QAYDASI:

Uşaqlarda - 1 filtr-bağlamanın üzərinə 100 ml (1/2 stəkan) qaynar su tökülür və 10 - 15 dəq. dəmlənir. Gündə 2-3 dəfə, hər dəfə 15-30 ml (1-2 xörək qaşığı) yeməkdən 30 dəq. əvvəl ilıq halda daxilə qəbul edilir.

Böyüklərdə - 2 filtr-bağlamanın üzərinə 200 ml (1 stəkan) qaynar su tökülür və 10 - 15 dəq. dəmlənir. Gündə 2-3  dəfə 200 ml (1 stəkan) yeməkdən 30 dəq. əvvəl ilıq halda daxilə qəbul olunur.

Qəbul müddəti 2-4 həftədir.

​

Dərman vasitəsi deyil.