Böyrək üçün - BioSlim NEFRONORM çayı

​

TƏRKİBİ:

Qırxbuğum otu, itburnu meyvəsi, çöl qatırquyruğu otu, ayıqulağı yarpağı, istiotlu nanə yarpağı, boymadərən otu, gülümbahar çiçəyi, mərcangilə yarpağı.

​

TƏSİRİ:

Nefronorm çayı iltihabəleyhinə, antibakterial, spazmolitik, sidikqovucu təsir xüsusiyyətlərinə görə böyrək və sidik yollarının iltihabi xəstəliklərinin (sistit, uretrit, pielit, nefrit və s.) müalicə-profilaktikasında geniş istifadə olunur.

 

Qırxbuğum otunun tərkibində  A, C, K vitaminləri, üzvi turşular, flavonoidlər və mikroelementlər vardır. Antibakterial, spazmolitik və sidikqovucu təsirlərə malikdir. Böyrək və sidik yollarının xroniki xəstəliklərində yaxşı təsir göstərir.

 

İtburnu meyvəsinin tərkibində  A, B1, B2, C, PP, K  vitaminləri, flavonoidlər,efir yağları, qlikozidlər, dəmir, maqnezium, fosfor, manqan, kalsium və s. mikroelementlər vardır. Orqanizmin müqavimətini, diurezi artırır, antioksidant və iltihabəleyhinə təsir göstərir.

 

Çöl qatırquyruğunun tərkibində  A, C vitaminləri, flavonoidlər, qlikozidlər və mikroelementlər vardır. Sidikqovucu, iltihabəleyhinə və qankəsici təsirlərə malik olduğundan böyrək və sidik yollarının xəstəliklərində yaxşı təsir göstərir.

 

Ayıqulağı yarpağının tərkibində vitaminlər, flavonoidlər və mikroelementlər vardır. İltihabəleyhinə, antibakterial və sidikqovucu təsirlərə malikdir.

 

İstiotlu nanə yarpağının tərkibində  B1, B2, B3, B5, B6, C vitaminləri, flavonoidlər, qlikozidlər, kalium, kalsium, maqnezium, fosfor və s. mikroelementlər vardır. Orqanizmə sakitləşdirici, sidikqovucu təsir göstərir, iltihabı azaldır, damarların divarını möhkəmlədir.

 

Boymadərən otunun tərkibi  C, K vitaminləri, üzvi turşular, flavonoidlər, qlikozidlər, dəmir, kalsium, sink və başqa mikroelementlərlə zəngindir. İltihabəleyhinə, antibakterial və yarasağaldıcı təsirlərə malikdir.

 

Gülümbahar çiçəyinin tərkibi  A, C vitaminləri, flavonoidlər, qlikozidlər və mikroelementlərlə zəngindir. İltihabəleyhinə, spazmolitik və yarasağaldıcı təsir göstərir.

 

Mərcangilə yarpağının tərkibində  B1, B2, B3, B4, B6, B9, B12, C vitaminləri, flavonoidlər, qlikozidlər və mikroelementlər vardır. İltihabəleyhinə, antibakterial,  spazmolitik və sidikqovucu təsirləri sayəsində böyrək və sidik kisəsi xəstəliklərində (pielit, sistit, sidikdaşı xəstəliyi) yaxşı təsir göstərir.

 

GÖSTƏRİŞLƏRİ:

• Uretrit, sistit

• Nefrit, pielonefrit

• Böyrək daşı xəstəliyi

• Diabetik nefropatiya

 

İSTİFADƏ QAYDASI:

Uşaqlarda - 1 filtr-bağlamanın üzərinə 100 ml (1/2 stəkan) qaynar su tökülür və 10 - 15 dəq. dəmlənir. Gündə 2-3 dəfə, hər dəfə 15-30 ml (1-2 xörək qaşığı) yeməkdən 30 dəq. əvvəl ilıq halda daxilə qəbul edilir.

Böyüklərdə - 2 filtr-bağlamanın üzərinə 200 ml (1 stəkan) qaynar su tökülür və 10 - 15 dəq. dəmlənir. Gündə 2-3  dəfə 200 ml (1 stəkan) yeməkdən 30 dəq. əvvəl ilıq halda daxilə qəbul olunur.

Qəbul müddəti 2-4 həftədir.

​

Dərman vasitəsi deyil.