Ödqovucu - BioSlim XOLONORM çayı

​

TƏRKİBİ:

Solmazçiçəyi çiçəyi, dağtərxunu çiçəyi, keşniş toxumu, çobanyastığı çiçəyi, qaraqınıq otu, ud hindi, zəncirotu otu.

 

TƏSİRİ:

Xolonorm çayı ödqovucu təsirli bitkilərdən hazırlanmışdır. Qaraciyərdə ödyaranmanı,  ödün xaric olmasını sürətləndirir və öd kisəsində öd durğunluğunun, öd daşlarının yaranmasının qarşısını alır. Həm də öd kisəsi və öd yollarından parazitar qurdların xaric olunmasını sürətləndirir.

​

Solmazçiçəyi çiçəyinin tərkibi C, K vitaminləri, flavonoidlər, qlikozidlər, kalium, kalsium, maqnezium, dəmir, sink və s mikroelementlər ilə zəngindir. İstifadə zamanı ödəmələgəlməni sürətləndirir, xolesterindən öd turşularının sintezini tənzimləyir, öd kisəsinin tonusunu artırır. Həmçinin öd kisəsinə və öd yollarına spazmolitik təsir göstərir.

 

Dağtərxunu çiçəyinin tərkibində alkaloidlər, flavonoidlər, üzvi turşular, askorbin turşusu, terpenlər və mikroelementlər vardır. Çayların tərkibində istifadə zamanı ödqovucu, spazmolitik, iltihab əleyhinə, və antiparazitar təsir göstərir.

 

Keşniş toxumunun tərkibi A, C, B, K, P vitaminləri, efir yağları və müxtəlif  bioloji aktiv maddələrlə  zəngindir. Çayların tərkibində istifadə olunduqda  ödün axmasını sürətləndirir, köpü aradan qaldırır, həzmi yaxşılaşdırır, antiseptik və iltihabəleyhinə təsir göstərir.

 

Çobanyastığı çiçəyinin tərkibində  bioloji  aktiv maddə  olan xamazulen, vitaminlər, üzvi turşular və bir çox makro və mikroelementlər vardır. Çayların tərkibində istifadə zamanı öd yollarında və bağırsaqlarda spazmı aradan qaldırır, həzmi yaxşılaşdırır, maddələr mübadiləsini sürətləndirir.

 

Qaraqınıq otunun tərkibi C, B1, B2 vitaminləri, flavonoidlər, efir yağları, terpenlər və mikroelementlər ilə zəngindir. Həzm vəzilərinin sekresiyasını stimullaşdırır və öd ifrazını tənzimləyir.

 

Ud hindi orqanizmə iltihabəleyhinə, antiseptik, qurdqovucu, ödqovucu və tonuslandırıcı təsir xüsusiyyətlərinə malikdir.

 

Zəncirotu kökünün tərkibində əsas təsiredici maddə taraksasin qlikozididir. Bundan başqa  inulin, xolin, А, В1, В2, С vitaminləri, karotin, flavanoidlər, makro və mikroelementlərlə zəngindir. Çayların tərkibində istifadə olunduqda  ödqovucu, sidikqovucu, iltihabəleyhinə təsir edərək öd kisəsini və böyrəkləri təmizləyir.

 

FAYDALARI:

• Xroniki hepatit, xolesistit, xolangit

• Öd yollarının diskineziyası

• Öd yollarının parazitar xəstəlikləri

• Öd durğunluğu

​

Əks göstərişləri:

Çayın tərkibində olan bitkilərə qarşı fərdi həssaslıq.

 

İstifadə qaydası:

Uşaqlarda - 1 filtr-bağlamanın üzərinə 100 ml (1/2 stəkan) qaynar su tökülür və 10 - 15 dəq. dəmlənir. Gündə 2-3 dəfə, hər dəfə 15-30 ml (1-2 xörək qaşığı) yeməkdən 30 dəq. əvvəl ilıq halda daxilə qəbul edilir.

Böyüklərdə - 2 filtr-bağlamanın üzərinə 200 ml (1 stəkan) qaynar su tökülür və 10 - 15 dəq. dəmlənir. Gündə 2-3  dəfə 200 ml (1 stəkan) yeməkdən 30 dəq. əvvəl ilıq halda daxilə qəbul olunur.

Qəbul müddəti 30 gündür. 10 günlük fasilədən sonra təkrar qəbul oluna bilər.

​

Dərman vasitəsi deyil.